XameyNuseran.com || Baxer Hatn bo Xameynuseran.com حه‌زم له‌ به‌هاری دڵته‌ .... که‌ژاڵ عه‌لی
نێردراوە لەلایەن admin لە March 09 2013 23:02:17


عەشقی منو بەهاری تۆ پرن لە نێرگز .
بە سپایی کەلی پەنجە
دێنن بۆ ناو چرۆی پرچم ،
هەناسەم پر دەکەن لە بەرامەی عەتر
لە سروەی ئەناناس ..


هەوڵی درێژکراو

حەزم لە بەهاری دلتە

عەشقی منو بەهاری تۆ پرن لە نێرگز .
بە سپایی کەلی پەنجە
دێنن بۆ ناو چرۆی پرچم ،
هەناسەم پر دەکەن لە بەرامەی عەتر
لە سروەی ئەناناس ..

قەت گوللەم خۆش نەویستووە
لە هارژنی تفەنگەکەی
*عەلی نەبی* یەوە نەبێ ،
وا دەزانم ئەووەلو ئەخیر ئایەتی ئاسمانیە
بۆ راپەرین ..

نەمدەزانی قەنناس چیە
تا لە کەمەندی زیرەیی
براکەمەوە دەرنەچوو ،
ئەمێستا لەم سەری دنیا
کەلە پارکێکێ چاو کەسک دادەنیشم ،
فرینی بالندەیەکیش
بێ مروەتی ئەوم بیردەهێنێتەوە ،
گڤڤە لە غەفلەتم دێنێ ،
خەیالم کوناودەر دەکا ..

بەو رووتیەوە چەند جوان بوون
هەتاوو پپێشمەرگە و باران ،
بە بناری بیتوێنەوە ،
خۆزگە لە رۆژی حەشریشدا ،
بە هەمان شەفافیەتەوە
دەچوونەوە بەر لیقای خوا ..

هەموو شتێک بۆ خۆی دەبا
کچێنی خۆر ،
شۆرەتی ئەووەلین شەهیدی خاتوون ،
شەرەفی یەکەم فیشەکی راپەرین ،
نۆبلی خۆشەویستی من .
دروود لە دەروازە ..
.....
کەژال عەلی...
زیوریخ سویسرا..٣،٣، ٢٠١٣
بە بۆنەی راپەرینە مەزنەکەی ٩١ ەوە ئەم چەند دێرەم دەکەم بە دەرگاو دەروازەی رانیەدا ..