XameyNuseran.com || Baxer Hatn bo Xameynuseran.com - هه‌واڵ: گله‌یی .... که‌ژاڵ ئیبراهیم خدر

ڕێدۆزی

چوونه‌ژووره‌وه‌

ناوی بەکارهێنەر

تێپەڕەوشە



تا ئێستا ئەندام نیت؟
كرته‌ لێره‌ بكه‌ بۆ خۆ تۆماركردن.

تێپەڕەوشەت له‌ بیرچووه‌؟
ده‌توانی لێرەوە داوای تێپەڕەوشه‌ی نوێ بكه‌یت.

هۆنراوه‌

ریکلام


کتێب

هونه‌ر

وتار و راپۆرت

ڤیدیۆ


شیعری
هه‌ردی ئه‌حمه‌د

کۆری ئه‌ده‌بی
له‌تیف هۆمه‌ر


نوێنه‌ر ئه‌حمه‌د

کوردیه‌کانTV



گله‌یی .... که‌ژاڵ ئیبراهیم خدر

که‌ژاڵ ئیبراهیم خدر



گله‌یی

که‌ژاڵ ئیبراهیم جدر

1

ورە من و تۆ
جاران یەک کەس بووین
ئەمشەو دوانین
دووهەناسەو دووگیانى
لە یەک جیاواز
تۆتۆیت و منیش خۆمم.

2

کە تۆدڵەکەت پەڕەسێلکەیەک بێ
بە ئارەزووى خۆى
گەرمیان وکوێستان بکات
چۆن دەتوانێ هێلانەکەى
لە سەر سینەى نەرمى ئافرەتێ
دروست بکات.

3

من ئێستاکە نامەوێ بزانم
تۆ بۆمن کێ بوویت وکێیت ؟
هێندە بەسە بۆ ناسینت
بۆگەیشتن بە خونچەیەک
هەرچى گوڵە ناتە ژێر پێت !

4

هەرگیز هەرگیز
جارێکى تر
بیر لە تۆ ناکەمەوە
لەگەڵ ژان وئازارەکانتا ناژیم
لەناو بیرەوەریەکانتا ناتوێمەوە
چونکە تۆهەست بە ئازارى عەشقانە ناکەیت.

5

من وئەوانى دى
دوو دژى ناو کوانویەکین
ئەوەى بیکەم ئەوەى بیڵێم
نیوەى ئەوانى دى نابێ.

6

ئەمشەو چاوەکانت
کامێرایەکى فۆتۆگرافە و
بە دواى نیگاى مندا وێڵە
وێنەى بگرى
تا بەدیوارى تەمەنتا هەڵیواسى
لێم ببورە من نامەوێ
تابلۆیەکى ،ژوورە داخراوە کەى تۆبم
دوا هەناسەى خۆشەویستى و
حەزى تیا بدەم.


7


دەڵێ ى دەڕۆمتا دێمەوەتا دێمەوە
تۆپیاوى ماڵکەم بە منیش دەڵێم بە سەرچاو
من دەتوانم پیاوى ماڵەکەى تۆ بم
بەڵام کە سبەینێ گەڕایتەوە
تۆناتوانى دان بەو ڕاستى یەدابنێ ى
نیوەى پیاوى تەواویش بم.

8

بە هیواوە بڕۆو
بارگەى بیرەوەریەکان
بۆمن جێ بهێڵە
خونچەى پێکەنینەکان لەگەڵ خۆت بەرەو
درەختى خەونە قورسەکان
لێرە بنێژە
چاو بە ئاوێنەى ئاسمان و مانگ و
ئەستێرەکاندا مەگێڕە
ڕوخسارى منى تیادا نادۆزیتەوە
ئەم ئەشقەى من تروسکاى
لە چاوى هیچیاندا نەهێشتۆتەوە ؟

9

شەوێکى پڕگەواڵە هەورە
لافاوى خەم کەشتى توڕەییم
ڕاو دەنێ
چ ئازارێکى ناوەختە
ئائەم دڵەکوکوختى یەم
نامۆ دەکا.

10

ئەمشەو دوا دیرى ئەو ووشانەم
لەفەرهەنگى بیرەوەرىیەکانما
کوژاندەوە
کە ناوى تۆى لێ پێک هاتبوو !

لێدوانەکان

هیچ لێدوانێک نەنووسراوە.

لێدوان بنووسە

تكایه‌ بچۆژووره‌وه‌ تا لێدوانێک بنووسیت.

هەڵسەنگاندن

هەڵسەنگاندن ته‌نیا بۆ ئه‌ندامانه‌.

تكایه‌ خۆت تۆمار بكه‌ یان بچۆژووره‌وه‌ بۆ هەڵسەنگاندن.

هیچ هەڵسەنگاندنێک نەنێردراوە.
کاتی ناردن: 0.01 چرکە
433,221 سه‌ردانه‌ بێ نموونه‌كان