Deprecated: Function eregi() is deprecated in /home/c2894mxf/domains/xameynuseran.com/public_html/ku/maincore.php on line 35

Deprecated: Function eregi() is deprecated in /home/c2894mxf/domains/xameynuseran.com/public_html/ku/maincore.php on line 35

Deprecated: Function eregi() is deprecated in /home/c2894mxf/domains/xameynuseran.com/public_html/ku/maincore.php on line 36

Deprecated: Function eregi() is deprecated in /home/c2894mxf/domains/xameynuseran.com/public_html/ku/maincore.php on line 36

Deprecated: Function eregi() is deprecated in /home/c2894mxf/domains/xameynuseran.com/public_html/ku/maincore.php on line 37

Deprecated: Function eregi() is deprecated in /home/c2894mxf/domains/xameynuseran.com/public_html/ku/maincore.php on line 37

Deprecated: Function eregi() is deprecated in /home/c2894mxf/domains/xameynuseran.com/public_html/ku/maincore.php on line 38

Deprecated: Function eregi() is deprecated in /home/c2894mxf/domains/xameynuseran.com/public_html/ku/maincore.php on line 38

Deprecated: Function eregi() is deprecated in /home/c2894mxf/domains/xameynuseran.com/public_html/ku/maincore.php on line 39

Warning: Cannot modify header information - headers already sent by (output started at /home/c2894mxf/domains/xameynuseran.com/public_html/ku/maincore.php:35) in /home/c2894mxf/domains/xameynuseran.com/public_html/ku/maincore.php on line 186
XameyNuseran.com || Baxer Hatn bo Xameynuseran.com - هه‌واڵ: شاعير و روَماننوس (صلاح جلال)...... سازداني :هةريَم ياسين

ڕێدۆزی

چوونه‌ژووره‌وه‌

ناوی بەکارهێنەر

تێپەڕەوشە



تا ئێستا ئەندام نیت؟
كرته‌ لێره‌ بكه‌ بۆ خۆ تۆماركردن.

تێپەڕەوشەت له‌ بیرچووه‌؟
ده‌توانی لێرەوە داوای تێپەڕەوشه‌ی نوێ بكه‌یت.

هۆنراوه‌

ریکلام


کتێب

هونه‌ر

وتار و راپۆرت

ڤیدیۆ


شیعری
هه‌ردی ئه‌حمه‌د

کۆری ئه‌ده‌بی
له‌تیف هۆمه‌ر


نوێنه‌ر ئه‌حمه‌د

کوردیه‌کانTV



شاعير و روَماننوس (صلاح جلال)...... سازداني :هةريَم ياسين

سه‌لاح جه‌لال


به‌شى یه‌كه‌م

شاعیر و روَماننوس- سه لاح جلال

سازدانی :هه‌ریَم یاسین
سه لاح جلال له‌بواری كوردی و عه‌ره‌بیدا ناسراوه‌ و ماوه‌ی سی ساڵه‌ به‌ خوَبه‌خشی ده‌نوسیَت ء له‌بواری روَمان و شیعر و شانوَ و لیَكوَڵینه‌وه‌ و وه‌رگیَرِاندا پتر له‌ بیست و پیَنج كتیَبی ئاماده‌ی چاپه‌ و له‌سه‌ر ئه‌ركی خوَی زوَریانی به‌ژماره‌ی كه‌م به‌چاپ گه‌یاندون به‌ده‌یه‌ها باس و لیَكوَڵینه‌وه‌ی له‌چه‌ندین روَژنامه‌ی عه‌ره‌بی و كوردیدا بڵاوكردوَته‌وه‌.
باسك: ئه‌گه‌ر باسیَكى سه‌ره‌تایى كارى نوسینى خۆتمان بۆ بكه‌یت؟
سه‌لاح جه‌لال: له‌سه‌ره‌تادا هه‌ر له‌ زوَر منداڵیمه‌وه‌ هه‌ستی شاعیریم هه‌بوه‌ وه‌ك سروشتیَكی ئه‌فسانه‌یی، به‌ردوام له‌ خوَوه‌ شیعرم گوتوه‌، له‌ قوتابخانه‌ حه‌زم به‌خویَندنه‌وه‌و له‌به‌ركردنی كردوه‌ ،پاشتر به‌ خویَندنه‌وه‌ى گشتى ده‌ستم پیَكرد، دواتر له‌ ساڵى 1983دا یه‌كه‌م رۆمانم نووسى كه‌ ئیشیَكى ناكامڵ بوو، ته‌نیا ئه‌وه‌بوو كه‌ناوى رۆمان بوو،به‌ڵام هه‌وڵیَك بوو له‌كاتیَكدا كردم گرِوگاڵ له‌سه‌ر روَمان ده‌كرا ، له‌گه‌ڵ ئه‌وه‌شدا شیعرم ئه‌نوسی، له‌هه‌ر بواریَكی شیعرى كلاسكى ء بیَ نوقته‌ و عروزء چوارینه‌ و عه‌مودی و سه‌ربه‌ستدا دیوانم نوسیوه‌ و دواتر سوتاندومن، له‌وكاته‌وه‌ تا ساڵى 1990 به‌به‌رده‌وام نوسیومه‌و ماموَستا هه‌ژار موكریانی ده‌یبینین و دواتر سوتاندومن و هیچم بلاَو نه‌كردۆته‌وه‌، جگه‌ له‌یه‌ك شیعر نه‌بیَت له‌ گوَڤاری ئه‌زمه‌رِ 1985، دوای ئه‌وه‌ یه‌كه‌م كتیَبم به‌ناوى " ئیَشكگریَكى كفن پۆش له‌ژوور سه‌رى جیهانه‌وه‌ "ته‌واو كرد،روم نه‌ده‌هات بڵاوی بكه‌مه‌وه‌ له‌ گازینوَی شه‌عب دام به‌ ماموَستا رۆوف حسن تاته‌واوی كرد سه‌ری به‌رز نه‌كرده‌وه‌ گوتی:ئه‌م شیعرانه‌ هی هه‌ر كه‌سیَكی تر بیَت ده‌چیَته‌ سه‌ر مناره‌ی مزگه‌وتی گه‌وره‌ هاوار ده‌كات و توَ روت نایه‌ت ده‌ریانبخه‌یت، كاتیَك كه‌ دام به‌ روَشنبیرى به‌غداد كه‌ هه‌موو پسپۆرِه‌كانى كرد كه‌س نه‌یویَرا ره‌زامه‌ندى له‌سه‌ر بدات له‌به‌ر ئه‌وه‌ى قه‌سیده‌كان له‌و سه‌رده‌مه‌ى رژیَمدا زۆر توندو تیژ بوون و كاركردن بون له‌ مه‌رگ،پسپوَرِیَكیان (سه‌میره‌ خان)گوتی:هه‌فته‌یه‌ك نه‌خه‌وتوم ئه‌وه‌نده‌ خستومته‌ ناو مه‌رگه‌وه‌، پاش ماوه‌ی هه‌فته‌یه‌ك له‌ رقا كتیَبیَكى ترم نوسی به‌ناوى "كفن پۆشء كه‌ون" ئه‌ویش هه‌مان چه‌شن كه‌س نه‌یویَرا برِیاری له‌سه‌ر بدات، ئه‌وساڵه‌ به‌برِیارى سه‌روَك كوَمار نه‌ده‌بوو دوو كتیَبی نوسه‌ریَك له‌یه‌ك ساڵدا ره‌فز بكریَته‌وه‌، ئه‌وه‌بوو ره‌زامه‌ندیان له‌سه‌ر كرد به‌لاَم 140 دیَرِى لیَ لابرا، كتیَبه‌كه‌ش له‌سه‌ر ئه‌ركی خوَم كردم و سه‌دایه‌كى زۆر گه‌وره‌یشی نایه‌وه‌
باسك: چۆن ده‌رِوانیته‌ ئه‌ده‌بی كوردى له‌مرِۆدا؟
سه‌لاح جه‌لال: قسه‌كردن له‌سه‌ر ئه‌ده‌بی كوردى ئه‌مرِۆ توشى زۆر پرسیارو كیَشه‌و پانتایی فراوانمان ده‌كات، ناكریَت هه‌روا سه‌رپیَی برِوانیینه‌ ئه‌ده‌بی كوردى، له‌به‌ر ئه‌وه‌ى پیَویستى به‌تویَژینه‌وه‌ى زۆر زۆره‌ له‌هه‌موو بواره‌ جیاجیاكاندا، به‌لاَم ئه‌وه‌ى به‌شیَوه‌یه‌كى گرنگ پیَویسته‌ ئاماژه‌ى بۆ بكه‌ین، نه‌بوونى ره‌خنه‌یه‌، له‌ئه‌ده‌بی هه‌ر میلله‌تیَكدا كه‌ره‌خنه‌ نه‌بوو ماناى وایه‌ ده‌قه‌ باشه‌كان ژیَر ئاو ده‌كه‌ون ء ده‌قه‌ بڵقاوییه‌كان سه‌ر ئاو،له‌رووی هونه‌ره‌وه‌ بزوتنه‌وه‌ی ته‌شكیلی زوَر به‌هیَزه‌،دیسان به‌ هوَی نه‌بونی ره‌خنه‌وه‌ ئاستی دیار نیه‌. ئه‌ده‌بى كوردى ئه‌مرۆ توشى ئه‌و قه‌یرانه‌ هاتووه‌، به‌هۆى بارى سیاسی حیزبه‌كانه‌وه‌، بایه‌خ دان به‌كۆمه‌ڵیَك خه‌ڵك و فه‌رامۆش كردنى كه‌سه‌كانى ترو بلاَو نه‌بوونه‌وه‌ى ماده‌كانیان، له‌به‌ر ئه‌وه‌ ناتوانى به‌شیَوه‌یه‌كى سه‌قامگیر قسه‌ له‌سه‌ر ئه‌ده‌بی كوردى بكه‌ى، به‌لاَم ئه‌وه‌ى كه‌ گرنگه‌ ده‌قى باش هه‌یه‌، داهیَنانى باش هه‌یه‌، له‌لایه‌ن كۆمه‌ڵیَك هه‌ڵبژارده‌ و یاخى رۆشنبیرییه‌وه‌ له‌بواره‌كانى ره‌خنه‌و تویَژینه‌وه‌و بواره‌كانی تردا، به‌لاَم له‌به‌ر ئه‌وه‌ى ره‌خنه‌یه‌ك نییه‌ كه‌ ئه‌ده‌ب بهه‌ژیَنىَ، ناتوانین بوار و ئاسته‌كانى ئه‌ده‌بی كوردى دیارى بكه‌ین.
باسك: ئایا ئه‌ده‌بی كوردى توانیویه‌تى ببیَت به‌ئه‌ده‌بیَكى جیهانى؟
سه‌لاح جه‌لال: مه‌سه‌له‌ى ئه‌ده‌بی جیهانى، ئه‌مه‌ باسی زۆر ئه‌ویَت، به‌جیهانى بونى ئه‌ده‌ب پرۆسه‌یه‌كه‌ زۆر زۆر قورسه‌، ئایا ئیَمه‌ توانیومانه‌ به‌شداریَتى جیهانى بكه‌ین تا ئه‌ده‌بی كوردى بكه‌ین به‌جیهانى؟ ئایا وه‌ك ئه‌ده‌بی كوردى شوناسه‌كه‌ى كامه‌یه‌؟ تونیومانه‌ شوناسیَكى بۆ بدۆزینه‌وه‌.
باسك: مه‌سه‌له‌ لاوازى ئه‌ده‌بی كوردییه‌ كه‌ نه‌یتوانییوه‌ ببیَت به‌ئه‌ده‌بیَكى جیهانى؟
به‌شدارى كردنى ئه‌مرِۆ له‌وه‌ ده‌رچووه‌ له‌ریَى تیَكسته‌كانء له‌رِیَى تیَكه‌لاَوى ئه‌دیبه‌كانه‌وه‌ بیَت، ئه‌مرِۆ جیهان بچوك بۆته‌وه‌ بۆ شاشه‌یه‌ك بۆته‌ گوندیَكى گه‌ردوونى، له‌و ریَگه‌یه‌وه‌ هه‌موو جیهان له‌به‌رده‌ماندایه‌، ئه‌مه‌ش زیاتر پابه‌ندى كریَكاره‌كانى مه‌عریفه‌ن وه‌كو "عه‌لى حه‌رب" ناوى لیَ ئه‌نیَت، ئایا توانیومانه‌ خویَندنه‌وه‌یان بۆ بكه‌ین، ئه‌مانه‌ش ئه‌ندازیارانى كۆمپیوته‌رو ئه‌و كه‌سانه‌ن له‌بواره‌كانى ته‌كنیك و پیَشكه‌وتنى جیهاندا كارده‌كه‌نء له‌یه‌ك چركه‌ ساتا جیهان ئه‌هیَننه‌ به‌رده‌ستمان، ئه‌م به‌جیهانى بوونه‌ زۆر قورسه‌ كه‌سیَكى وه‌كو (عه‌لى حه‌رب ) لیَى ئه‌ترسیَ، به‌و هه‌موو كلتوره‌ فراوانه‌ى كه‌ عه‌ره‌ب هه‌یه‌تى، فه‌ره‌نسییه‌كان تریسیان لیَ نیشتووه‌، وا ئه‌زانن له‌م به‌جیهانى بوونه‌دا زیان ئه‌كه‌ن، چونكه‌ زمانیَكی ئه‌لكترۆنى دروست ئه‌بیَت، له‌م زمانه‌ ئه‌ترسن كه‌ئینگلیزى بیَت، ئه‌م به‌جیهانى بوونه‌، كیَشه‌یه‌كه‌ جه‌ده‌لیَكى زۆر قورسی ئه‌ویَت له‌لایه‌ن هه‌موو بیرمه‌ندانء كه‌سه‌ به‌تواناكانى رۆشنبیرى كوردییه‌وه‌ بزانن ئیَمه‌ چۆن به‌ره‌و به‌جیهانى بوون برِۆین؟، چیبكه‌ین بۆ به‌جیهانى بوون؟، كیَشه‌كه‌ له‌وه‌ ده‌رچووه‌ كه‌بزانین ئه‌ده‌بی كوردى ئه‌ده‌بیَكى جیهانییه‌ یان نا، ئه‌ده‌ب هه‌ر ئه‌ده‌به‌، كیَ ئه‌ڵیَ چه‌ند تیَكستى جوانیشمان نییه‌ له‌ئاست ئه‌ده‌بی جیهانیدا بیَت، بیَگومان هه‌مانه‌، ئه‌گه‌ر ئیَمه‌ بگه‌رِیَینه‌وه‌ بۆ كۆمه‌ڵیَك شاعیرى گه‌وره‌ى وه‌كو مه‌حوى، نالى، گۆران، مه‌وله‌وی، باباتاهیرى هه‌مه‌دانى ...هتد، ئه‌مانه‌ هیچیان له‌ ئاست ئه‌ده‌بی جیهانى كه‌،مترنییه‌ ئه‌گه‌ر زیاتریش نه‌بن، به‌لاَم ئایا تاچه‌نده‌ ئه‌مانه‌ چوونه‌ته‌ ناو راڤه‌و ره‌خنه‌ى جیهانییه‌وه‌؟ تاچه‌نده‌ پرۆسیس كراون له‌ناو ئه‌واندا؟ تاچه‌ند لاى خۆمان خویَندراوه‌نه‌ته‌وه‌؟
باسك: كام ره‌گه‌ز له‌ناو ئه‌ده‌بی كوردیدا به‌سه‌ركه‌وتوو ئه‌بینیت؟
سه‌لاح جه‌لال: ئه‌ده‌ب به‌هه‌موو ره‌گه‌زه‌كانییه‌وه‌ به‌شیعر، چیرۆك، رۆمان...هتد، ئیَمه‌ ئاستی ره‌خنه‌و تویَژینه‌وه‌یه‌كمان نییه‌ كه‌ بتوانیَت تیَكسته‌ چاكه‌كان جیابكاته‌وه‌ كه‌ هه‌ژان دروست بكات، ئه‌وه‌ى كه‌زۆر زۆرمان هه‌یه‌ شیعره‌، هه‌ر كتیَبه‌و ئه‌كه‌ویَته‌ بازارِه‌وه‌، شیعر هه‌موو مه‌وداى خۆى تیَكداوه‌، له‌پاڵ ئه‌وه‌شدا زۆر شاعیرى باشمان هه‌یه‌ كه‌ شیعره‌كانیان په‌راویَز خراوه‌و بۆیان چاپ ناكریَ، ئه‌وه‌ى من به‌سه‌ر كه‌وتویى بزانم شیعره‌ به‌هۆى كۆمه‌ڵیَك شاعیرى باشه‌وه‌.
باسك: ئه‌ى له‌ناو شیعردا كام سه‌رده‌م دره‌وشاوه‌ترین سه‌رده‌مى شیعرى كوردییه‌؟
سه‌لاح جه‌لال: سه‌رده‌مى شاعیره‌ كۆنه‌كان، دواى ئه‌وان به‌هۆى زۆربوونى شاعیرو شیعره‌وه‌، به‌هۆى بایه‌خ نه‌دان به‌ئه‌ده‌بی كوردى، له‌به‌ر ئه‌وه‌ى له‌سه‌رده‌مى رژیَمدا هیچ بایه‌خ به‌ روَشنبیری نه‌ئه‌درا، له‌ دواى راپه‌رِینیشدا ئه‌م حیزبانه‌ هه‌موو بواره‌كه‌یان تیَكدا و مه‌وداى داهیَنان خنكیَندرا، نوسه‌رو رۆشنبیرو شاعیرانیان راكیَشا بۆناو خۆیان، له‌م حاڵه‌تانه‌شدا زیاتر گرنگیان به‌وانه‌دا كه‌سه‌ر به‌خۆیانن، ئه‌وانه‌ی تر كه‌وتنه‌ ژیَر پیَء پلیشانه‌وه‌، له‌به‌رئه‌وه‌ ئه‌ده‌ب توشى لاڵی و شكستیی ء خۆنه‌دۆزینه‌وه‌ هات كه‌چاره‌كه‌ى ته‌نها به‌شۆرِشیَكى رۆشنبیرى ئه‌كریَت.
باسك: كه‌واته‌ ئه‌م پاشاگه‌ردانییه‌ى شیعر بۆچى ئه‌گه‌رِیَنیته‌وه‌؟
سه‌لاح جه‌لال: له‌به‌ر ئه‌وه‌ی به‌قۆناغه‌كانى خۆیدا تیَنه‌په‌رِى، نه‌بوونى كه‌سی داهیَنه‌ر، حیزبه‌كان ئه‌مه‌یان دروست كرد به‌هۆى شه‌رِى براكوژییه‌وه‌، هه‌ریه‌كه‌و حكومه‌تیَكیان له‌ملاو له‌ولا دروست كرد ، ته‌نها بایه‌خیان به‌رۆشنبیرى له‌ناو بوارى بیرى حیزبایه‌تى خۆیان ده‌دا ، تائیَستا دوو حكومه‌ت هه‌بووه‌ له‌ هه‌ولیَرو سلیَمانى، له‌ قه‌لاَچوالانء سه‌رى ره‌شه‌وه‌ بانگه‌شه‌یان بۆ ئه‌چوو، له‌به‌ر ئه‌وه‌ش رۆشنبیرى كه‌وته‌ ژیَر ده‌سه‌لاَتى ئه‌م دوو حكومه‌ته‌وه‌، ئه‌ى تۆ رۆشنبیر چۆن ئه‌دۆزیته‌وه‌؟، رۆشنبیرى كوردیش له‌وئاسته‌دا نه‌بوون كه‌بتوانن ده‌سه‌لاَتى رۆشنبیرى به‌رجه‌سته‌بكه‌ن چونه‌ ژیَر ده‌سه‌لاَتى حیزبه‌وه‌، كه‌خاوه‌نى میدیولوژیایه‌كی دامه‌زراوو به‌هیَز نه‌بوویت كه‌ "ریَجیس دوبه‌ری"ه‌ ئاماژه‌ى بۆ ئه‌كات، چۆن ئه‌توانى هوشیارییه‌كى جه‌ماوه‌رى گه‌وره‌ بلاَوبكه‌یته‌وه‌؟، ئه‌مرِۆ زیاتر له‌هه‌موو شتیَك كه‌ناڵه‌كانى راگه‌یاندنه‌ هه‌موو شتیَكمان پیَ ئه‌ڵیَن، رادیۆو ته‌له‌فزیۆنء رۆژنامه‌، ئه‌مانه‌ هه‌مووى كاریان بۆ حیزب كردووه‌، یه‌كیَك نه‌بووه‌ له‌م پیَگه‌ رۆشنبیریانه‌ كه‌ سه‌ربه‌خوَ بیَت و تایبه‌ت بیَت به‌داهیَنانء رۆشنبیرى هه‌تا بایه‌خ به‌كه‌سه‌كانى رۆشنبیرى بداتء بتوانىَ بوارى داهیَنان سه‌ربخات به‌سه‌ر بواره‌كانى تردا، هه‌موو حیزبه‌ سیاسییه‌كان مافى خۆیانه‌ كه‌ خاوه‌نى راگه‌یاندنى خۆیانبن، له‌بوارى رۆشنبرى خۆیان و به‌س وه‌ك حیزب، به‌لاَم له‌سه‌رده‌مى ئیَمه‌دا حیزب ء نه‌ته‌وه‌ هه‌مووى تیَكه‌ڵ بوو، جیاكرانه‌وه‌ نه‌بوو، ئه‌مه‌ سستییه‌كى به‌رۆشنبیرى كوردى داوه‌ كه‌ پیَوه‌ى ماوه‌.
باسك: وه‌ك ده‌زانین سالاَنه‌ چه‌ند ڤیستیڤاڵیَك ریَك ئه‌خریَت، ئه‌و ده‌قانه‌ى كه‌ ده‌بنه‌ خاوه‌نى خه‌لاَتء له‌لایه‌ن لیژنه‌كانه‌وه‌ هه‌ڵده‌بژیَردریَن تاچه‌ند ده‌قى زیندوو نه‌مر ئه‌بن؟
سه‌لاح جه‌لال: لیَره‌دا په‌یوه‌ندى به‌ده‌قى نه‌مرو جوانه‌وه‌ نییه‌، ئه‌م ڤیستیڤالاَنه‌ به‌به‌رز ده‌نرخیَنم له‌هه‌مو باریَكدا ،به‌ڵام زیاتر بۆ راكیَشانى ئه‌دیبء نوسه‌ر كراوه‌، ئه‌م ڤیستیڤالاَنه‌ى ریَك ده‌خریَت مه‌ودایه‌كى داهیَنانء رۆشنبیریان له‌خۆ نه‌گرتووه‌، له‌هه‌ولیَرو سلیَمانى كردوویانه‌ ئه‌ویش مه‌رامى سیاسی له‌پشته‌وه‌ بووه‌ نه‌ك و ئه‌ده‌بی، نمونه‌ش زۆره‌ له‌سه‌ریان، زیاتر خه‌لاَته‌كانیان داوه‌ به‌وكه‌سانه‌ى كه‌سه‌ر به‌خۆیان بوون، زوَریان ماده‌كانیشیان ماده‌ نه‌بونء ناسراویش نه‌بوون، خه‌لاَت دراوه‌ به‌كه‌سى وا پیَنج سه‌د ساڵى تر عومرى بیَت نابیَت به‌شاعیرو چیرۆك نووس. (زمانى چواره‌مى هایدگه‌رم ) دا به‌ڤیستیڤاڵیَك گوتبویان: هایدگه‌ر مردووه‌ فاكس وه‌رناگریَت! ئه‌وكه‌سانه‌ى كه‌ ڤیستیڤاڵه‌كان ده‌كه‌ن ئه‌بیَ كه‌سانیَكی بیرمه‌ندبن، كیَشه‌یان له‌گه‌ڵ بیرى خۆیاندا هه‌بیَت، رقى له‌ سه‌لاح و له‌یه‌كیَكى تره‌ ناهیَڵیَ به‌شدارى بكات، یان ئه‌گه‌ر به‌شداریش بكات به‌جۆریَك له‌جۆره‌كان سوكى ئه‌كات، كیَن ئه‌وانه‌ى كه‌ لیژنه‌ن؟ ئه‌مه‌ پرسیاریَكى زۆر گه‌وره‌یه‌، هه‌موو جاریَ ئه‌وكه‌سانه‌ ئه‌بینینه‌وه‌ كه‌ لیژنه‌ و پسپۆرن ء ده‌ق هه‌ڵ ئه‌سه‌نگیَنن، به‌لاَم خۆیان هیچ نیین، ئه‌بیَ كه‌سیَك لیژنه‌بیَتء ده‌ق هه‌ڵبسه‌نگیَنیَت هیچ نه‌بیَ ده‌یه‌ها كتیَبی له‌بوارى ره‌خنه‌و تویَژینه‌وه‌دا هه‌بیَت تابتوانیَت ده‌قیَك هه‌ڵبسه‌نگیَنیَت. گویَم له‌ هه‌ڵسه‌نگاندنى واگرتووه‌ له‌و دانیشتنانه‌دا كه‌ پیَیان ئه‌ڵیَن نامه‌ى ره‌خنه‌یی، كه‌ له‌ناو هه‌موو رۆشنبیرییه‌كى جیهاندا به‌رله‌وه‌ى كۆرِه‌كه‌ بگیریَت نامه‌كه‌ دابه‌ش كراوه‌ به‌سه‌ر خه‌ڵكدا بۆ ئه‌وه‌ى بیخویَنیَته‌وه‌ وتوویَژی له‌سه‌ر بكات، به‌لاَم لیَره‌ هه‌ڵئه‌ستىَ و ئه‌كه‌ویَته‌ قسه‌كردن كه‌ هیچ په‌یوه‌ندییه‌كى به‌ده‌قه‌كه‌وه‌ نییه‌، نازانن چۆن نامه‌یه‌كى ره‌خنه‌یی پیَشكه‌ش بكه‌ن ، هه‌تا ئیَستا زۆڵمیَكى زۆریان له‌رۆشنبیرى كردووه‌ پاره‌یه‌كى زۆریان سه‌رف كردووه‌، له‌گه‌ڵ ئه‌وه‌شدا ئه‌وه‌نده‌ى هه‌ڵنانى كۆمه‌ڵیَ خه‌ڵكى ده‌مامككراوه‌ ئه‌وه‌نده‌ ئیشكردن نییه‌ بۆ بوارى رۆشنبیرى.
باسك: هۆكار ئه‌وه‌یه‌ كه‌ كه‌سى شاره‌زامان نییه‌ یان هۆكاره‌كه‌ سیاسییه‌؟
سه‌لاح جه‌لال: ئه‌و شویَنانه‌ى كه‌ ئه‌و ڤیستیڤالاَنه‌ ریَكئه‌خه‌ن خۆیان ده‌ست نیشانى ئه‌كه‌ن كه‌ كیَ خه‌لاَت وه‌ربگریَت، ئه‌وكه‌سانه‌ داده‌نیَن دیاری كراون، ئه‌مه‌ش زۆر روونه‌ كه‌ زوَر خه‌ڵكى مشه‌خۆر هه‌موو پیَگه‌ رۆشنبیریه‌كانیان گرتووه‌، له‌شویَنه‌ ترسناكه‌كان، هى واهه‌یه‌ له‌ شه‌ش شویَن ئیش ده‌كات،ئیتر زوَریان بایه‌كی زوَریان تیَكراوه‌ خوَیان لیَبوه‌ به‌ ئه‌فسانه‌، هه‌ر ئه‌مانه‌ش ئه‌بن به‌زمان حاڵى رۆشنبیرى كوردى، رۆشنبیرى راسته‌قینه‌ ئه‌وكه‌سه‌یه‌ كه‌ كیَشه‌ى له‌گه‌ڵ بیرى خۆیدابیَت،كه‌ بتوانیَت خستنه‌ سه‌ر و داهیَنان و جیاكاری هه‌بیَت.. له‌بری رقء قینه‌ خویَندنه‌وه‌ى هه‌بیَت، چونكه‌ ئه‌و مامه‌ڵه‌ له‌گه‌ڵ ده‌قدا ئه‌كات، سه‌یرى ئه‌وه‌ ناكات ئه‌مه‌ هى كیَیه‌و دوژمنایه‌تى بكات، رۆشنبیره‌كانى ئیَمه‌ تائیَستا پیَكهاته‌ى ئه‌وانه‌ن بۆیه‌ ئیش بۆ هه‌ڵبژارده‌ و یاخی بو ناكریَت.
باسك: خویَنه‌رى عه‌ره‌ب تاچه‌ند ئاشنایه‌تى هه‌یه‌ له‌گه‌ڵ ئه‌ده‌بی كوردى؟
سه‌لاح جه‌لال: خویَنه‌رى عه‌ره‌ب زۆر حه‌ز به‌ئاشناییه‌تى ئه‌كات له‌گه‌ڵ ئه‌ده‌بی كوردى، ریَزى زۆر ئه‌گریَت. ته‌نیا دیوانى "سقوگ الكون"م به‌عه‌ره‌بی بلاَو كرده‌وه‌ ، كۆمه‌ڵیَك لیَكوَڵینه‌وه‌ى زۆرى له‌سه‌ر كرا و زۆریان له‌سه‌ر نوسرا، وه‌كو "قیس كاڤم الجنابى" و "احمد شیخ و عباس عبد جاسم و ماجد موجد و جمال جامی و رۆوف عپمان"ء چه‌ندانى تر له‌سه‌ریان نوسین ء خویَندنه‌وه‌یان بۆكرد، تینون به‌وه‌ى كه‌ ده‌قى كوردى باش بخویَننه‌وه‌و حه‌زیش ئه‌كه‌ن له‌كلتورو میَژوو بوارى شارستانى كورد بگه‌ن له‌ریَى تیَكسته‌كانه‌وه‌.
باسك: كورد تاچه‌ند توانیویه‌تى پردیَك دروست بكات بۆ ئاشناكردنى ئه‌ده‌بی كوردى به‌ئه‌ده‌بی ده‌ره‌وه‌؟
سه‌لاح جه‌لال: ئه‌م پرده‌ زۆرى ماوه‌، هه‌وڵى كه‌م هه‌یه‌، ئه‌مه‌ په‌یوه‌ندى راسته‌وخۆى به‌دامه‌زراندنى كۆمه‌ڵگه‌ى كوردىء ئاماده‌كارییه‌كانى هه‌یه‌ بۆ ئه‌وه‌ى په‌یوه‌ندى له‌گه‌ڵ به‌جیهانى بوون بكات، لیَره‌دا ده‌بیَت هه‌ڵویَسته‌یه‌ك وه‌ربگرین، ئیَمه‌ له‌سه‌ره‌تاى میَژووه‌وه‌ ئه‌م پرده‌مان نه‌بووه‌، به‌هۆى ئه‌وه‌ى كوردستان له‌رۆژهه‌لاَتى ناوه‌رِاست له‌ سنورى ده‌ریایی ستراتیژ دووربووه‌ ، ئه‌مانه‌ جاران هه‌موو ریَگه‌ى ئه‌وه‌بوون كه‌ میلله‌تیَك به‌ میلله‌تیَكى تر بگه‌یه‌نن، كوردستان له‌ناوخۆیدا سه‌ختء چرِو دارستانء شاخاوى بووه‌، له‌ناو خۆشدا هاوتوچۆكه‌مبووه‌و داگیركه‌ریش نه‌هاتۆته‌ ناومان،كه‌ زۆربه‌ى میلله‌تان له‌ریَى داگیركه‌ره‌وه‌ كلتوره‌كه‌ى گوازراوه‌ته‌وه‌، میسر تائیَستاش شانازى به‌ناپلیۆنه‌وه‌ ئه‌كه‌ن، كه‌فیَرى شارستانى بوون لیَى، به‌لاَم له‌دواى "زه‌ینه‌فۆن"ى یۆنانیه‌وه‌ كه‌م كه‌س ویَراویه‌تى بیَته‌ كوردستان،ئه‌گه‌ر ئه‌سكه‌نده‌ر ته‌واوی كوردستانی بگرتایه‌ ئه‌وا ئیَستا نه‌ك پیَشكه‌وتوتر ده‌بوین ره‌نگ بو رزگارمان ببوایه‌، به‌ڵام به‌هوَی دووری و سه‌ختی داگیركه‌ر بایه‌خى پیَنه‌داوه‌، ئیَمه‌ هه‌موو ئه‌و شتانه‌ خۆمان له‌خۆمانه‌وه‌ فیَر بووین،به‌هۆى هاتنى ئیسلام له‌گه‌ڵ گوتاری ئیسلامی ئاشنابووین،ئیسلام بوه‌ شارستانیه‌تیَكى هاوبه‌ش بوَ كورد و عه‌ره‌ب، فیَری خویَندنه‌وه‌ و نوسین بوین لیَوه‌ی، ئیَمه‌ رابردوومان ئاوابووه‌ هه‌تا سه‌ده‌ى بیستء یه‌ك، به‌هۆى دۆزینه‌وه‌ى نه‌وتى كه‌ركوك داگیركه‌ر روویان كرده‌ كوردستان، ئیَمه‌ خاوه‌نى ئه‌زمونیَكى كورتین، له‌به‌ر ئه‌وه‌ كیَشه‌ى جیهانیَتى له‌م كاته‌ى ئیَسته‌دا خۆمانى بۆ ئاماده‌ بكه‌ین په‌یوه‌ندى به‌و كلتوره‌وه‌ هه‌یه‌ كه‌ تۆ هه‌ته‌، به‌و بنه‌ماو بونیادانه‌ى رابردووه‌وه‌ ، كه‌ ئه‌مه‌ش دایه‌لوَژی سه‌رسورِهیَنه‌ری ده‌ویَت له‌و هه‌موو زمانه‌ فره‌ ناوچه‌ییه‌مان و له‌و دابرِانه‌ی كرمانجی سه‌ر و خوار و ، ئیَمه‌ له‌دواى راپه‌رِینه‌وه‌ كه‌وتینه‌ ناو پیَشكه‌وتنه‌كانه‌وه‌، فیَرى ته‌كنۆلۆژیا بووین، له‌به‌ر ئه‌وه‌ی ته‌كنه‌لوَژیامان نیه‌ نابینه‌ كوَمه‌ڵگه‌یه‌كی پیشه‌سازی، ئایا كام به‌كارهیَنه‌ره‌ین بوَ ته‌كنۆلوَژیا؟
باسك: وه‌ك ئه‌زانین دیارده‌ى وه‌رگیرَِان بۆته‌ شتیَكى باو له‌ناو كۆمه‌ڵگه‌ى كوردیدا، ئایا توانیویانه‌ به‌ئه‌مانه‌ته‌وه‌ ده‌ق بگوازنه‌وه‌؟
سه‌لاح جه‌لال: مه‌سه‌له‌ى وه‌رگیَرِان زۆر ترسناكه‌، زۆربه‌ى بیرمه‌ندانى دونیا قسه‌یان له‌سه‌ر وه‌رگیَرِان كردووه‌، برِواناكه‌م كه‌س بتوانىَ ئه‌وچیَژه‌ى له‌ده‌قه‌ ئه‌سڵییه‌كه‌دا هه‌یه‌ له‌وه‌رگیَرِاندا بۆسه‌ر زمانیَكى تر هه‌مان چیَژى پیَبدرَیت، وه‌رگیَرِان كاریَكی گرانه‌ دووباره‌ داهیَنانه‌وه‌ی ده‌قه‌، كه‌سی وه‌رگیَرِ زوَر تایبه‌ته‌، وه‌رگیَرِیَكى ئیتاڵى له‌كاتی وه‌رگیَرِانی رۆمانى(سه‌دساڵ له‌دوره‌په‌ریَزی) "ماركیز" چه‌ند هه‌ڵه‌ى هونه‌ری دوَزیه‌وه‌، ئه‌وه‌ داهیَنانه‌، له‌به‌ر ئه‌وه‌ زۆر كه‌س له‌ وه‌رگیَرِان ترساوه‌، وه‌رگیَرِان كه‌سى تایبه‌تى خۆى هه‌یه‌. وه‌رگیَرِان زۆر پیَویسته‌ بۆ ئیَمه‌ له‌به‌رئه‌وه‌ى زۆر دواكه‌وتوین، پیَویستیمان به‌وه‌ هه‌یه‌ كه‌ وه‌رگیَرِانى زۆر بكه‌ین، به‌لاَم وه‌ك ئیَستا نا، ده‌بیَت كه‌سانیَك بیكه‌ن كه‌ شاره‌زابن ئه‌بیَ بایه‌خیَكى باش به‌وه‌رگیَرِان بدریَت، ئه‌وانه‌شى كه‌وه‌ریئه‌گیَرِن ئه‌بیَ كه‌سانیَك هه‌بن پیاچوونه‌وه‌ى بۆبكه‌ن.
ده‌كریَت باس بوَ وه‌رگیَرِانه‌كانی خوَت بكه‌یت؟
من وه‌رگیَرِنیم و حه‌زیشی پیَناكه‌م، به‌ڵام نه‌كردنی زیانبه‌خش بوو بوَم ، چه‌نده‌ زمان بزانیت ئه‌گه‌ر پیَی نه‌نوسیت و وه‌رگیَرِان نه‌كه‌یت ترسناكه‌، بوَیه‌ ده‌ستم دایه‌ و سه‌ره‌تا زوَر لاواز بووم ئه‌وانه‌ی وه‌رمده‌گیَرِان بابه‌تی ئاڵوَز بوون له‌ عه‌ره‌بیه‌وه‌ بۆ كوردى ء به‌پیَچه‌وانه‌وه‌ش، به‌به‌رده‌وامى مامۆستا "ته‌ها محه‌مه‌د ئه‌مین"به‌سه‌ریاندا ده‌چووه‌وه‌ و هاوكاری زوَر كردوم تا فیَری وه‌رگیَرِان بووم ، به‌رده‌وام هه‌ڵه‌م كردووه‌، له‌وه‌رگیَرِانی شیعر و راسته‌وخوَ نووسین به‌عه‌ره‌بی باشم به‌ڵام له‌وه‌رگیَرِانی نوسیندا خراپم . ئیَستا زوَر گوَرِاوم دویَنی له‌ كوَی یانزه‌ شیعر بوَكوردی و نه‌فخی سوری خوَم بوَ عه‌ره‌بی ته‌نیا چوار هه‌ڵه‌م هه‌بو كه‌كاك(عمر احمد)به‌سه‌ریاندا چووه‌وه‌.
باسك: له‌كوردستاندا كوَمه‌ڵیَك ده‌زگاى وه‌رگیَرِانمان هه‌یه‌ كه‌ سه‌ر به‌میرینء هه‌ندیَكیشیان سه‌ربه‌خۆن به‌لاَم بۆ فلته‌ریَك نییه‌ له‌لایه‌ن میریه‌وه‌ بۆ هه‌ڵسه‌نگاندنى ئه‌م به‌رهه‌مانه‌؟
سه‌لاح جه‌لال: فلته‌ره‌كه‌ ره‌خنه‌و تویَژینه‌وه‌یه‌ كه‌ئیَمه‌ نیمانه‌، كتیَبیَكى "رۆلان بارت" سیَ جار به‌عه‌ره‌بی وه‌رگیَرِدراوه‌ هه‌رسیَ جاره‌كه‌ ناونیشانه‌كه‌ى هه‌ڵه‌یه‌،(كتابه‌ فی الدرجه‌ الێفر+درجه‌ الێفر فی الكتابه‌ ) ئه‌وان ره‌خنه‌ گریان هه‌یه‌ له‌سه‌رى ده‌نووسیَت، ئه‌گه‌ر كتیَبیَك وه‌رگیَرِدرا كه‌سیَك هه‌بیَ به‌سه‌ریدا بچیَته‌وه‌و ره‌خنه‌كانى ده‌ربخات ئه‌و كاته‌ پیَگه‌یه‌ك دروست ئه‌بیَت بۆ وه‌رگیَرِان، هه‌موو كه‌سیَك ناتوانیَت بیكات. باسك: ئه‌و به‌رهه‌مانه‌ى كه‌ شایسته‌ى بلاَوكردنه‌وه‌نین بۆ وه‌زاره‌تى رۆشنبیرى ژماره‌ى سپاردنى ئه‌داتىَء ئه‌هیَڵىَ بخریَته‌ به‌رده‌ستى خویَنه‌ر؟
سه‌لاح جه‌لال:زوَربه‌ی پیَگه‌ رۆشنبیرییه‌كان گیراون به‌كۆمه‌ڵیَ خه‌ڵك ، زوڵمه‌ ئه‌ركى رۆشنبیرى بدریَته‌ كه‌سیَك توانای نه‌بیَت و خۆى له‌و شویَنه‌ دائه‌مه‌زریَنىَ، به‌تایبه‌تى بوارى پسپۆرِه‌كان، تائیَستا به‌هۆى ناكۆكى یه‌كیَتىء پارتییه‌وه‌ ناچار بون كار بۆ هه‌موو كه‌سیَك بكه‌نء هه‌موو زرِه‌ خه‌ویَك بلاَو بكه‌نه‌وه‌، پیَویسته‌ راگه‌یاندن له‌سه‌ر ئه‌و تیۆرییه‌ى " رۆجیس دوبریه‌" میدیولوژیادا كاربكات بۆ ئه‌وه‌ى له‌و كاره‌ساته‌ رزگارمان بیَت..روَشنبیری كوردی گورِانكاریه‌كی ریشه‌یی ده‌ویَت كه‌ تائیَستا بوَی نه‌كراوه‌.
باسك: كه‌واته‌ راگه‌یاندن رۆڵى خراپى بینیوه‌ به‌وه‌ى كه‌ كارى بۆ كۆمه‌ڵیَك كردووه‌و كۆمه‌ڵیَكیشى فه‌رامۆش كردووه‌؟
سه‌لاح جه‌لال: ناكریَت ته‌نها بڵیین :خراپ، به‌ڵام ئه‌وه‌ به‌رپرسیاریَتیه‌كى میَژووییه‌ له‌سه‌ر هه‌موو لایه‌ك ، رۆژیَك دیَت كه‌ دادگایی هه‌مو كه‌سیَك ده‌كریَت، كه‌ نه‌یانتوانییوه‌ ئه‌م قۆناغه‌ ئاماده‌ بكه‌ن بۆ نه‌وه‌ى ئایینده‌.
باسك:ئه‌گه‌ر بكریَت باسیَكى خه‌لاَتى جه‌واهیریمان بۆ بكه‌یت كه‌ له‌م ماوه‌یه‌دا به‌تۆ به‌خشرا؟
سه‌لاح جه‌لال: ڤیستیڤاڵى شیعرى كوردى بوو له‌به‌غداد به‌ (سدره‌ و زه‌یتون و سیَو) به‌شداریم كرد ، به‌ هوَی ئه‌وه‌ی له‌سه‌ر لاپتوَكه‌م خویَندمه‌وه‌ ،خویَندنه‌وه‌م باش نه‌بو بوَ شیعره‌كه‌ خه‌ڵكیش ده‌یانگوت: ئه‌و قه‌سیده‌ فه‌لسه‌فیه‌ت به‌په‌له‌ خویَنده‌وه‌ .به‌ڵام هوَڵه‌كه‌ بیَده‌نگیه‌گ گرتبوی هه‌رگیز نه‌مدیوه‌ ، كه‌س نه‌بو پیروَزباییم لیَنه‌كات (د.علی فواز) گوتی: (ده‌بیَت به‌ فه‌رهه‌نگیَكی فه‌لسه‌فیه‌وه‌ گویَ له‌ ێلاح جلال بگرین)دوایی ئه‌و خه‌لاَته‌یان پیَدام ، به‌لاَم زه‌لامیَك كردبووى به‌هه‌واڵ له‌دوو رۆژنامه‌دا ناو به‌ناو به‌شداربوانی ڤیستیڤاڵی باس كردبوو ته‌نها كۆرِه‌ شیعره‌كانى لابردبوو بۆ ئه‌وه‌ى ناوى من نه‌هیَنیَت، له‌كاتیَكدا ڤیستیڤاڵه‌كه‌ به‌ناوی ڤیستیڤاڵی شیعری كوردیه‌وه‌ له‌ به‌غداد گیرا، ئه‌ویش به‌وناونیشانه‌ نوسیبوی نازانم باس نه‌كردنی كوَرِی شیعری مانای چیه‌؟ .وا ئه‌و زه‌لامه‌ بیری چوبوه‌وه‌ كه‌ بوَ ڤیستیڤاڵی شیعر چوه‌و له‌سه‌رڤیستیڤاڵی شیعری نوسیوه‌، به‌ڵام ده‌بو سه‌رپه‌رشتیاری لاپه‌رِه‌ بپرسیَت: مانای چیه‌ ؟ نازانم ناونیشانی ڤیستیڤاڵ و باسه‌كه‌ی دو روَژنامه‌كه‌ چی ده‌گه‌یه‌نن؟ ئه‌وه‌ش یه‌كیَكه‌ له‌وكاره‌ساتانه‌ى رۆژنامه‌ى كوردى كه‌هه‌یه‌.خه‌ڵاتی هه‌ژاری شاعیر درا له‌ سلیمانی ته‌نیا من نزیك بوم لیَی و ناسیومه‌ كه‌چی بوَمنیان دانه‌نابو.
باسك: هه‌ست ناكه‌ى راگه‌یاندنى كوردى زوڵمى له‌ سه‌لاح جه‌لال كردبیَت؟
سه‌لاح جه‌لال: نه‌ك راگه‌یاندنى كوردى كیَ زوڵمى له‌من نه‌كردووه‌، نزیكه‌ى 25 كتیَبم ئاماده‌یه‌ بۆچاپ به‌عه‌ره‌بیء كوردى له‌بوارى رۆمان و شانۆ و ره‌خنه‌و كوَنفوَ و لیَكوَڵینه‌وه‌ و سینه‌ما، تا ئیَستا یه‌ك كتیَبم له‌لایه‌ن ئه‌م حكومه‌تانه‌وه‌ بۆ چاپ نه‌كراوه‌، كتیَبه‌كانیشم هه‌مووى گرنگن، ئه‌و رۆژنامه‌و گۆڤارانه‌ی كه‌ له‌سه‌رنوسینه‌كانم نوسراون یان نوسینی خوَمیان تیایه‌ به‌ عه‌ره‌بی و كوردی زوَر زوَرن و به‌ڵه‌گه‌نامه‌ن بوَیان ، رۆمانی(موَسیقای مه‌رگی ناوه‌خته‌) پتر له‌ ده‌ لیَكوَڵینه‌وه‌ى له‌سه‌ر كراوه‌، ئه‌و رۆمانه‌م بۆ چاپ نه‌كراوه‌،كه‌وتنه‌خواره‌وه‌ی گه‌ردون به‌عه‌ره‌بی و كوردی زوَری له‌سه‌رنوسرا، من سی ساڵه‌ ئه‌نوسم تائیَستا به‌ده‌ستى خۆم خۆم ئه‌ژیَنم، زۆربه‌ى نوسه‌ران رقیان لیَمه‌ له‌هه‌ر شویَنیَك ناوى من بیَت پیَى تیَك ئه‌چن..به‌ڵام من له‌سه‌ره‌تامه‌وه‌ بایه‌خ به‌ میَژو+ ئاینده‌ ده‌ده‌م ، لام وایه‌ هه‌مو ئاسنیَكی ژیَر ده‌ریا دیَته‌ده‌ره‌وه‌..بوَیه‌ به‌بیَ هاوكاریكردن و مه‌رگ هیَناومه‌ ، به‌لاَم له‌گه‌ڵ ئه‌و هه‌موو دوژمنایه‌تییه‌داو له‌گه‌ڵ ئه‌و هه‌موو خراپه‌كارییه‌ى كه‌به‌رامبه‌رم كراوه‌و ده‌كریَت دریَژه‌م به‌ ئه‌ده‌به‌كه‌م داوه‌و به‌رده‌وامم، پیَشم وابیَت وه‌كو كارگه‌یه‌كم لیَهاتووه‌و به‌رهه‌مم زوَر زوَره‌.گرنگ ئه‌وه‌یه‌ من كه‌ جیَی خوَمم له‌ بواری عه‌ره‌بی هه‌بوه‌ به‌ پاره‌ی به‌لاشی حكومه‌ته‌وه‌ نه‌بوه‌ خه‌ڵك به‌هوَی ده‌عوه‌ته‌وه‌ احراج بكه‌م له‌سه‌رم بنوسیَت .. یان به‌ پاره‌ هه‌ولڕ بدریَت له‌سه‌رم بنوسریَت،كتیَب بنیَرن بوَ به‌غداد بگه‌رِیَن بوَ لاكوتیَك به‌ پاره‌ له‌ سه‌ری بنوسیَت. ئه‌مه‌و زوَر دیارده‌ی تر. جگه‌ له‌وه‌ش ئیَستا به‌ره‌و ئه‌وه‌ ده‌چیَت دلًَسوَزان هاوكاریم بكه‌ن..به‌ر له‌مه‌رگم تیپی شانوَی سالار لیَكوَڵینه‌وه‌ شانوَییه‌كانم(سیمیا له‌ شانوَ/به‌ره‌و دامه‌زراندنی شانوَی كوردی)یان بوَ كردوم به‌ كتیَب له‌م روَژانه‌دا ده‌كه‌ویَته‌ بازاره‌وه‌.
باسك: ئه‌م دژایه‌تى كردنه‌ بۆچى ئه‌گه‌رِیَنیته‌وه‌؟
سه‌لاح جه‌لال: من ره‌خنه‌ گرو شاعیریَكى باش بوومء رۆژىَ له‌ سلیَمانى كۆرِم هه‌بوو رۆژیَك له‌ هه‌ولیَر و به‌غداد، ده‌نگیَكى تایبه‌تء ناسراوبووم، به‌تایبه‌تی له‌ بواری شانوَ بوم به‌مایه‌ی گوَرِان، نه‌وه‌یه‌كم پیَگه‌یاند ،كیَ هه‌یه‌ ئه‌وه‌ نه‌زانیَت .؟ گرنگترین شتیش كه‌ بووه‌ هۆى ئه‌وه‌ى من هیچم بۆ نه‌كریَت،یاخی بونی خوَم و ئه‌و رۆمانه‌ى بارزانى بوو كه‌نوسیم، "ئاویَنه‌ى بوركانى ژه‌نرِاڵ" رۆمانه‌كه‌ى ماركیزم خۆیَنده‌وه‌ ته‌نها وه‌ك حه‌زیَك ویستم میَژوى كورد له‌ رۆمانیَكا ره‌نگ پیَبده‌مه‌وه‌، به‌بیَ هیچ بیركردنه‌وه‌یه‌كى تره‌وه‌ ، له‌وكاته‌دا ناكۆكى نیَوان یه‌كیَتىء پارتى زۆر توند بوو، یه‌كیَتى خۆى نا، به‌لاَم زۆربه‌ى ئه‌و نوسه‌رانه‌ ئه‌وه‌یان بوَ بو به‌هانه‌، كه‌وتنه‌ دژایه‌تى كردنم كه‌ پیَشتریش رقى رۆشنبیریان لیَم بوو،لای پارتیش شتی تریان ده‌گوت و له‌به‌ر ئه‌وه‌ى نه‌پارتى بووم نه‌ یه‌كیَتی له‌م نیَوانه‌دا سوتام. ویستم وه‌ك نوسه‌ریَك پاریَزگارى به‌خوَمه‌وه‌ بكه‌م، به‌لاَم هیچیان لیَم تیَ نه‌ده‌گه‌یشت ، تا وای لیَهات كه‌ چوم بوَ ڤیستیڤاڵیك له‌1998له‌ هه‌ولیَر دو نوسه‌ر چوبون نه‌خشه‌یان دانابو،یه‌كسه‌ر هاتمه‌وه‌، له‌و كاته‌وه‌ نه‌چومه‌وه‌ بوَ هه‌ولیَر هه‌تا پار، موچه‌ی پیَشمه‌رگایه‌تی و زیندانی و وه‌زاره‌ت و ده‌زگای گوڵانم نه‌بوه‌، كه‌ كه‌س نیه‌ نه‌زانیَت له‌به‌ر ئه‌وه‌ی راستیم له‌سه‌ر كلیله‌ی ریَكخستن نه‌گوتوه‌ چی ئه‌شكه‌نجه‌یه‌كی مه‌رگاوی دانسقه‌ دراوم به‌دریَژایی دو جار به‌ندیخانه‌،كه‌ توشی ئازاری دلڕ و ده‌ماغ بوم و به‌سه‌رسه‌ختی خوَم نه‌مردوم ، له‌ ئه‌من دادگای سه‌حراویم ده‌رچو ، خوالیَخوَشبو (محمود به‌گی گوَڵیَ)ئه‌و روَژه‌ ته‌له‌فوَنیان بوَكردبو كه‌ من شه‌و ره‌می ده‌كریَم كتوپرِ چو بو بوَ به‌غداد پاره‌یه‌كی زوَری خوَی بوَ دام تا به‌ربوم ، كه‌ یه‌كیَتی له‌ سلیَمانی حه‌وت كه‌سیان له‌و جوَره‌ هه‌یه‌ و له‌ سه‌ر میلاكی پارتیش ته‌نیا من.
له‌گه‌لڕ ئه‌وانه‌شدا ، كوَمه‌ڵیَك نوسه‌ر له‌ هه‌ردولا رقیان لیَم بو ئه‌وه‌نده‌یان لیَجویم تا دانیان نه‌ما، به‌دریَژایی شه‌رِى ناوخۆ خۆم پاراست، باوه‌رِم به‌وه‌ هه‌یه‌ خوَت پاكبه‌ میژَو خوَی ئاگادارته‌.كه‌سیش ناتوانیَت شتیَك بدۆزیَته‌وه‌و له‌سه‌ر من ،پاش ئه‌و هه‌مو ساڵه‌ من ئه‌و روًَمانه‌ی بارزانیم نویسیه‌وه‌ سه‌د جار له‌ماوه‌ی ساڵیََكی ته‌واو له‌سه‌ر كوَمپیوته‌ر له‌سه‌ره‌تاوه‌ تا كوَتایی كارم تیاكردوَته‌وه‌..كه‌ له‌ جیهاندا سیَ روَمان له‌و شیَوه‌یه‌ نوسراوه‌ و هه‌مویشی كاردنی زه‌خره‌فیه‌ و یه‌ك ساتی ده‌رزی لیَدان له‌ واشنتوَنه‌وه‌ میَژوی شوَرِش به‌ پچرِ چرِ ده‌گیَرِیَته‌وه‌ تا ئیَستا بوَم چاپنه‌كراوه‌. ئه‌و هه‌ژاریانه‌ى به‌سه‌ر مندا هات به‌هوَی هه‌ڵویَسته‌وه‌ پیَده‌چیَت به‌سه‌ر هیچ كه‌سیَكدا نه‌هاتبیَت، هه‌رچى نوسینیشم بلاَوبوبیَته‌وه‌ به‌قورِ به‌سه‌رى ء به‌مه‌رگ و به‌خویَنى كچه‌كانم بلاَوم كردۆته‌وه‌، ، ماوه‌یه‌كی زوًَرشتم له‌رۆژنامه‌كانا هه‌ر بلاَو نه‌ده‌بوه‌وه‌، چه‌ند باس و لیكۆڵینه‌وه‌ له‌سه‌ر نوسینه‌كانم نوسراوه‌ فه‌وتیَنراون ،ئه‌وه‌شی كه‌ به‌رده‌وام هاوكاری و پشتیوانی منی كردبیَت له‌سلیَمانی روَشنبیری راستگوَ كاك(سامی هادی)ه‌ ئه‌وه‌ى گرنگه‌ من وه‌ك قه‌ڵه‌میَكى پاك ماومه‌ته‌وه‌ پیَموایه‌ ئه‌م دوژمنایه‌تى كردنه‌ خه‌ریكه‌ ده‌بیَته‌ ئاسوَی فراوان بوَم؟
باسك: هه‌ست ناكه‌ن له‌ئیَستادا بووبنه‌ پردیَك له‌نیَوان ئه‌ده‌بی كوردىء عه‌ره‌بیدا؟
سه‌لاح جه‌لال: من به‌و شیَوه‌یه‌ ناسراوم و نكوڵى لیَناكریَ، كاتیَك یه‌كه‌م كۆرِم له‌به‌غداد گرت به‌رِیَوبه‌رى په‌یمانگاى هونه‌رى به‌غداد وتى: تاكو ئیَستا به‌غداد كۆرِى وا فراوانء ده‌وڵه‌مه‌ندى له‌سه‌ر ئاستی شانوَ به‌خۆیه‌وه‌ نه‌بینیوه‌ كه‌ كاكه‌ له‌و شاخه‌وه‌ هات پیَشكه‌شى كردین، جگه‌له‌ باسه‌كه‌ى خۆم هه‌شت نمایشتى شانوَییم بینى قسه‌م له‌سه‌ر هه‌مویان كرد، كۆره‌كه‌شم هه‌رایه‌كى گه‌وره‌ى نایه‌وه‌،هه‌ر ئه‌و شه‌وه‌ له‌سه‌ر ره‌خنه‌ی من وه‌زیری روَشنبیری برِیاری كردنه‌وه‌ی ستوَدیوی ئه‌كته‌ری له‌به‌غداد دا كه‌ دكتوَره‌كانی ئه‌كادیمیا باسی كوَرِه‌كه‌یان بوَ كردبو ،ئه‌وكاته‌ هه‌رده‌یانگوت: كاكه‌ له‌و شاخه‌وه‌، هه‌موو ئه‌و زه‌مه‌نه‌ش له‌سه‌ر گیرفانى خۆم كارم كردووه‌ به‌راستگوَیی ،یه‌كه‌م كه‌س كه‌ هه‌وڵی ڤیستیڤاڵ و دایه‌لوَژی عه‌ره‌بی و كوردی داوه‌ من بوم ..ئه‌وكاته‌ به‌ده‌یه‌هام ده‌عوه‌ت كرد ،كاك كوسره‌ت ره‌سول به‌ كاك سامی هادی گوتبوی :ئیَمه‌ به‌شداری دایه‌لوَژی قاهیره‌مان كردوه‌ بوَچی ئه‌مه‌ ناكه‌ین هه‌مو مه‌سرفیان من ده‌یكه‌م و ریَزیشیان ده‌گرین ، به‌ڵام لیَره‌ زوَر له‌ هه‌نه‌رمه‌ندان كوَبونه‌وه‌یان كردبو له‌ كتیَبخانه‌ی گشتی ئه‌گه‌ر بیَن ته‌ماته‌یات تیَبگرن و كاسیَته‌كه‌شیان برابوه‌وه‌ بوَ به‌غداد، له‌پشتی منه‌وه‌ شتیَكی سیاسی هه‌بو ، بوَچی من لای عه‌ره‌ب خوَشه‌ویست و جیَگه‌ی متمانه‌ بوم چونكه‌ روَحم پاك بوه‌ سه‌رده‌می رژیَم چه‌ند دیوانه‌ شیعری كاك شیَركوَ بیَكه‌سم بردوه‌ بوَ به‌غداد له‌گه‌ڵ هاورِیَی ئازیزم (احمد الشیخ علی)به‌ استنساخ له‌هه‌مو عیَراقدا بڵاومان كردوَته‌وه‌ ،كه‌ بگیراینایه‌ یه‌كسه‌ر ژیانمان ته‌واو ببو، كیَ ئه‌وه‌ ده‌كات؟ جگه‌ له‌وه‌ نوسینی هه‌مو كه‌سیَكم بردوه‌ له‌ شیعر و چیروَك و ته‌شكیلی و سینه‌ما..هتد. خیانه‌تم له‌كه‌س نه‌كردوه‌ حه‌زم به‌ بڵاوبونه‌وه‌ و ناساندنی دوژمنه‌كانیشم بوه‌، روَژنامه‌كان شاهیدن،من هه‌رگیز نكوَڵیم له‌ داهیَنانی كه‌س نه‌كردوه‌، به‌لاَم دواى ئه‌وه‌ى كه‌ حكومه‌ت بودجه‌ى هه‌بوو توانیان خه‌ڵكانى خۆیان بنیَرن، زه‌مه‌نیَكى زۆر من دابرِام، ته‌نانه‌ت بۆ زۆر ڤیستیڤاڵ كارتیان بۆ ناردوم لیَره‌ خه‌ڵكیَك نه‌یان هیَشتووه‌ كارته‌كه‌م پیَبگات، كاتیَك بوَ ڤیستیڤاڵه‌كانی مربد چوم ته‌نیا بوم به‌ڵام پار كه‌ پیَیان گوتم: بچم لیَره‌ كه‌سیَك نه‌یهیَشت گوتبوی: ئیَمه‌ بلیتی بوَ نابرِین و خوَمان ناو ده‌نیَرین. به‌ڵام من به‌پاكیَتى خۆم له‌ناو رۆشنبیرى عه‌ره‌بیا خۆم دروست كرد..به‌جلی ناشیرین و پاره‌ی خوَم نه‌ك پاره‌ی حكومه‌ت بكه‌مه‌ ده‌مامكی خوَم و له‌به‌ر ده‌عوه‌ت احراجیان بكه‌م ،به‌ڵكو پاره‌ی خوَم سه‌رف ده‌كرد و كارم بوَ كورد ده‌كرد،كیَ هه‌یه‌ ئه‌وه‌نه‌زانیَت، له‌ ئه‌كادیمیای هونه‌ره‌ جوانه‌كانی به‌غداد وه‌رگیرام به‌ پشتیوانی زوَربه‌ی روَشنبیرانی عه‌ره‌ب كه‌به‌ڵگه‌نامه‌كانم لایه‌ نه‌متوانی له‌به‌ر نه‌بونی موچه‌ بخویَنم .چونكه‌ به‌ پاره‌ی خوَم هه‌مو شتیَكم كردوه‌.. هه‌رچی كتیَبی نویَ هه‌یه‌ من هیَنام، دوای راپه‌رینیش یه‌كیَك بوم له‌ دامه‌زریَنه‌رانی یه‌كیَتی نوسه‌ران و ئه‌دیبانی عیَراق له‌ به‌غداد .له‌سه‌ر ئه‌ركی خوَم هه‌مو ئه‌و په‌یوه‌ندیانه‌م كردوه‌،لیَره‌وه‌ ره‌سمم ده‌برد له‌ به‌غداد ده‌مفروَشت ، تا له‌م دواییه‌دا كاك (عباس عبدالرزاق)كه‌ كرا به‌ به‌رِیَوه‌به‌ری گشتی روَشنبیری سلیَمانی و بانگی كردم و دایمه‌زراندوم لای خوَیان ئه‌وه‌ نیشانه‌ی ئه‌مه‌ك و باری روَشنبیری ئه‌و پیاوه‌ تاقانه‌یه‌یه‌ .
چۆن ئه‌رِوانیته‌ ئه‌و ده‌سته‌واژه‌یه‌ى كه‌ پیَى ئه‌ڵیَن ئه‌ده‌بی ژنان؟
سه‌لاح جه‌لال: له‌ رابردودا پیاو نوسیویه‌تىء ئافره‌ت رۆڵى كه‌م بووه‌ ئه‌م زاراوه‌یه‌ داهیَنراو ناوى لیَنرا ئه‌ده‌بی ژنان، ئه‌مه‌ به‌لاى منه‌وه‌ له‌م چه‌رخه‌دا پیَویستى به‌تیَپه‌رِاندن هه‌یه‌،ئه‌ده‌ب تیَپه‌رِاندنی سه‌رسورِهیَنه‌ری كردوه‌ به‌ره‌و گه‌ردونیه‌ت، ئه‌م ئه‌ده‌بی ژنء پیاوه‌ شتیَكى نامه‌نتیقه‌ له‌به‌ر ئه‌وه‌ى داهیَنان هه‌ر داهیَنانه‌،ئه‌ده‌بیش هه‌ر ئه‌ده‌به‌،ئه‌گه‌ر ئه‌ده‌ب بوَ مروَڤایه‌تی بیَت ئه‌وا هه‌مومانه‌ ژن و پیاو ،شاكاره‌كان پرِن له‌ هه‌ردوكیان روَمانی وا هه‌یه‌ كه‌سایه‌تیه‌كانی زوَری ئافره‌ته‌ و پیاو نوسیویَتی یان ئاژه‌ڵ و باڵنده‌یه‌..من ده‌نگی مروَڤایه‌تیم پیَ خوَشه‌. چى تیایه‌ ئه‌گه‌ر من له‌كاتى نوسینى ده‌قیَكى شیعریدا وابزانم ئافره‌تم؟ یان بوَ ئه‌وان به‌ پیَچه‌وانه‌وه‌ ،یان وه‌كو مروَڤیَك بنوسم به‌بیَ ناسینی ره‌گه‌ز ئه‌مه‌ چ كیَشه‌یه‌كى تیایه‌.؟ئه‌ی روَڵی ئه‌فسانه‌ و فه‌نتازیاو كاری هونه‌ری چیه‌؟به‌راستی كاتیَك ده‌نوسم ده‌كه‌ومه‌ حاڵه‌تیَكه‌وه‌ خوَم ناناسمه‌وه‌ .شیعر كه‌وتنه‌خواره‌وه‌ و هه‌ژانه‌.
باسك: كه‌واته‌ به‌برٍِواى تۆ ده‌سته‌واژه‌ى ئه‌ده‌بی ژنء پیاو ده‌سته‌واژه‌یه‌كى ناته‌واوه‌؟
سه‌لاح جه‌لال: لاى من ده‌سته‌واژه‌یه‌كى عه‌قلاَنى نییه‌، من هه‌مو ره‌گه‌زه‌كان ده‌برِم له‌ شیعرا،زوَر جار نیَره‌موك و زوَڵ ،ئافره‌ت و پیاو، زۆرجار ره‌خنه‌گرانى عه‌ره‌ب قسه‌یان له‌سه‌رم كردووه‌، گوتویانه‌: تاقه‌ كه‌سه‌ كه‌ بانگه‌شه‌ی زوَڵیَتی(ابن غیر شرعی) له‌ شیعرا كردوه‌ (عباس عبدجاسم)جاریَك به‌ زوَر له‌ شاعیرانی گوت:ئه‌و پیاوه‌ ده‌ناسن به‌و به‌رگه‌ ناشیرینانه‌یه‌وه‌ سه‌یری مه‌كه‌ن،گوتی:كیَ له‌ ئیَوه‌ توانای ئه‌وه‌تان هه‌بوه‌ له‌شیعرا بڵیَن: ئیَمه‌ زوَڵین ؟یاخود نیَره‌موك، ێلاح ئیش له‌ لامه‌ئلوفدا ئه‌كات وه‌ك مروَڤی لوَكه‌یی،سیَكس له‌گه‌لڕ دره‌خت، نه‌ك له‌ مه‌ئلوفدا وه‌ك ئیَوه‌، بوَیه‌ ئه‌مه‌ كیَشه‌ نییه‌ كه‌ شیعریَك ئه‌نوسم كچ بم خه‌ڵك بمناسیَته‌وه‌ كه‌ كچم، ئه‌مه‌ش وه‌ك جارانى لیَهات كه‌ شیعریان جیاكردبۆوه‌ بۆ شیعرى سوَز ء رامیارىء كۆمه‌لاَیه‌تى، شیعر كۆى هه‌موویه‌تى، به‌راى من داهیَنانیش كۆى هه‌موویه‌تى، كه‌داهیَنانیش كۆى شته‌كان بوو ئه‌مه‌ش نامیَنىَ، پیَویسته‌ فه‌نتازیا كاریَك بكات لای شاعیر كه‌ ژنیَك یان پیاویَك نوسیان نه‌زانریَت كیَ نوسیویه‌تى یَستا باس له‌ گه‌ردونی بون و تیَپه‌رِاندنی كیَشه‌ ئه‌نتوَلوَژیه‌كان ده‌كه‌ین مانای ئه‌ده‌ب و ده‌قی زیندو زوَر له‌وه‌ تیَپه‌رِی كردوه‌..كیَ له‌ ئه‌ده‌بدا خوَی بوَ ده‌دوَزریَته‌وه‌؟
باسك: ئه‌ى ژنان خۆیان رۆڵیان هه‌بوو له‌به‌ره‌و پیَشچوونى ئه‌ده‌بی كوردیدا؟
سه‌لاح جه‌لال: هه‌یانبووه‌ به‌رِیَژه‌یه‌كى كه‌م، به‌لاَم ئیَستا زۆربووه‌و به‌توانایشن و به‌هیَزیَكى داهیَنه‌رانى جوانه‌وه‌ دیَنه‌ پیَشه‌وه‌، به‌لاَم من ئه‌مه‌ویَ زیاتر بایه‌خیان پیَبدریَت به‌وه‌ی ئاستیان به‌رزبكریَته‌وه‌ به‌هاوشانی پیاو ،وه‌ك مروَڤ به‌ شیَوه‌یه‌كی گشتی. نه‌ك ئه‌مه‌ ئه‌ده‌بی پیاوه‌و ئه‌مه‌ ئه‌ده‌بی ژنه‌، داهیَنان هه‌ر داهیَنانه‌ له‌وه‌ش گه‌وره‌ تره‌ كه‌ به‌رته‌سك بكریَته‌وه‌.
باسك: ئه‌ده‌بی ئیسلامى چ رۆڵیَكى هه‌بووه‌ له‌ناو ئه‌ده‌بی كوردیدا؟
سه‌لاح جه‌لال: ئه‌م پرسیاره‌ زۆر زۆر قورسه‌ پوَڵینكاری ده‌ویَت ،ئه‌ده‌بی ئیسلامی یان ئاینی ئیسلامی ؟ له‌به‌ر ئه‌وه‌ى كه‌ فیَرى خوَیَندنه‌وه‌و نوسین بووین له‌كلتورى ئیسلامییه‌وه‌ فیَر بووین،به‌ڵی بیری زه‌راده‌شتی پیَگه‌ی كوردستان بو ،مه‌سیحیه‌تیش به‌هوَی زوڵمی روَمی بیَزه‌نتیه‌وه‌ له‌ هه‌مو جیهانه‌وه‌ كوَچیان ده‌كرده‌ كوردستان، به‌هوَی روخانی ساسانی و نه‌بونی ده‌وڵه‌تیَكی كوردیه‌وه‌ نه‌مانتوانیوه‌ به‌و دو ئاینه‌ به‌ربڵاوه‌ پیَبگه‌ین .بوَیه‌ دوای هاتنی ئیسلام له‌گه‌ڵ عه‌ره‌ب شارستانیه‌تیَكى هاوبه‌شمان هه‌بووه‌، بوارى نوسینء داهیَنانى ئیَمه‌ش له‌سه‌ره‌تاوه‌ به‌زمانى ئه‌و وه‌رگرتنه‌بووه‌ كه‌ له‌ئیسلامه‌وه‌ هه‌بووه‌، زیاتریش له‌ته‌كییه‌و مزگه‌وته‌كانه‌وه‌ لاى شیَخء مه‌لاكان، چونكه‌ ئه‌وانه‌خویَنده‌وار بوون و بواری زانین و زانیاریمان نه‌بوه‌،به‌ڵام گوتاریَكی خوَمان نه‌بوه‌ كه‌بتوانین وه‌ك هه‌مو ئه‌و میلله‌تانه‌ی تر كه‌ له‌ ئیسلامه‌وه‌ فیَر بون خوَمان دابمه‌زریَنین، ئه‌وه‌ى كه‌ گوازرابیَته‌وه‌ بۆ بوارى رۆشنبیرى گشتى له‌دواى ئه‌وكاته‌وه‌بووه‌ كه‌ خویَندنء نوسین و چاپء بلاَوكردنه‌وه‌ دروست بووه‌، ئه‌وكاته‌ ئه‌م شیَوه‌ دابرِانه‌ دروست بوو له‌ حوجره‌و ته‌كییه‌كانه‌وه‌ بۆ ناو پیَگه‌یه‌كى رۆشنبیرى گشتى به‌ره‌و ئه‌وه‌ رۆیشت كه‌ رۆشنبیرییه‌ك بۆ نه‌ته‌وه‌ دروست بكریَت، ئیتر له‌دواى ئه‌وه‌وه‌ ئه‌ده‌ب وه‌ك خۆى پیَكهاته‌یه‌كى دروست كرد، به‌راى منیش ئه‌ده‌بی ئیسلامىء ئه‌ده‌بی عه‌لمانى هه‌رئه‌ده‌به‌و جیاوازى نییه‌، ئه‌ده‌ب به‌ر له‌هه‌موو شتیَك ره‌وانبیَژیه‌، ، كار له‌سه‌ر ئه‌وه‌ ناكات بڵیََ ئه‌مه‌ ئیسلامییه‌و ئه‌مه‌ عه‌لمانیه‌،تیوری ئه‌ده‌بیش به‌م ناوه‌ جیانه‌كراوه‌ته‌وه‌. كه‌سیَك كه‌ چیرۆكیَك ئه‌نوسیَ ئه‌توانىَ له‌ چیرۆكه‌كه‌یا له‌و شتانه‌ به‌رجه‌سته‌ بكات كه‌خۆى ئه‌یه‌وىَ خه‌ڵك به‌ره‌و خوا ئه‌با یان لایان ئه‌دات، وه‌ك سه‌لمان روشدى ئه‌نوسیَت یان وه‌ك كه‌سیكی تر.وه‌ك (نێر حامد ابو زید) یان وه‌ك سید قگب و ابن رشد ئه‌نوسیَ، ئه‌مه‌ به‌لاى منه‌وه‌ گرنگ نییه‌ ئه‌مه‌ له‌پروَسیسى لیَكدانه‌وه‌دا ده‌رده‌كه‌ویَت ئه‌م ده‌قه‌ چی بینا كردوه‌. چی ئه‌كاو چی به‌رجه‌سته‌ ئه‌كاتء چى دونیایه‌ك بۆ ئیَمه‌ ئه‌خوڵقیَنىَ،له‌لایه‌كی تر جیاوازی هه‌یه‌ له‌ بواری تویَژینه‌وه‌ی فیكری و ئه‌ده‌ب ئه‌مه‌ جیاوازه‌ له‌ هه‌وڵَ و كوَششه‌كانی ده‌یانی وه‌كو( سید قگب و حسن البناء و ناسری سوبحانی) له‌بواری قورئان و فه‌رموده‌كاندا كه‌ برِه‌ویان به‌ فیكری ئیسلامی داوه‌..یان ئیسلامیه‌كان بتوانن هه‌ر زانكوَ و پیَگه‌ی بڵاوبونه‌وه‌ و شتی تر دابمه‌زریَنن..ئیَستاش زوَربه‌یان مایه‌ی تویَژینه‌وه‌ی ئه‌وروپیه‌كانن كیَ نكوڵی له‌ جرجانی و ابن رشد و فارابی و مالكی و ابن سینا و ده‌یه‌های تر ده‌كه‌ن،به‌تایبه‌تی قورئان كه‌ هه‌تا نه‌فخی سور هه‌ر هه‌ڵگری دایه‌لوَژه‌ ، وه‌ زمانی عه‌ره‌بی كه‌ یه‌كیَكه‌ له‌ زمانه‌ چرِه‌كانی جیهان ،یان ئه‌و ره‌وانبیژیه‌ی كه‌له‌ ئیسلامدا كراوه‌؟ به‌لاَم وه‌ك ئه‌وه‌ى بڵیَین: ئه‌مه‌ ئه‌ده‌بی ئیسلامییه‌و ئه‌مه‌ ئه‌ده‌بی عیلمانییه‌ لاى من جیَی نابیَته‌وه‌و چونكه‌ به‌ر له‌هه‌مو شتیَك ده‌پرسم : كامه‌یه‌ئه‌و تیوره‌ی كه‌ له‌سه‌ره‌تای راڤه‌ی ئه‌ده‌به‌وه‌ بوَی كراوه‌،وه‌ك ئه‌وه‌ی له‌ ئیفلاتونه‌وه‌ تا ئیَستا بوَ ئه‌ده‌ب و هونه‌ر كراوه‌ به‌ هه‌مو لایه‌نه‌كانیانه‌وه‌..به‌ په‌ره‌سه‌ندنه‌كانیانه‌وه‌؟..چوَن ئه‌و تیوره‌ی ئه‌ده‌ب به‌ ئیسلامی ده‌كریَت و ده‌گوَرِدریَت؟.ده‌كریَت ده‌قی ئه‌وانه‌ تایبه‌تمه‌ندیه‌ك بگریَت له‌ روی ئیسلامیه‌وه‌ كه‌ دیسان له‌ راڤه‌یا ده‌رده‌كه‌ونه‌وه‌ له‌ په‌یوه‌ندیه‌ ده‌لالیه‌كاندا..یاخود ئه‌ده‌ب ئه‌وه‌نده‌ به‌رفراوانه‌ جیَگه‌ی هه‌زاره‌های وه‌كو روَلان بارت و روَجیه‌ غارودی تیا ده‌بیَته‌وه‌،چونكه‌ جیهانی ده‌ق به‌یه‌كاترژان و چرِی ده‌لالی و ئاماژه‌یه‌.. جیهانى ئه‌ده‌بی زۆر له‌وه‌ تیَپه‌رِیوه‌، ئه‌ده‌ب هه‌ر ئه‌ده‌به‌.بوَ هه‌مو كه‌سیَكه‌ مه‌سیحی و بوزی و ئیسلام و ئاگر په‌رست و جوله‌كه‌ و ....هتد.
له‌ روَژنامه‌ی باسك ژماره‌363 *364 له‌ 25/10/2009 به‌ دو ژماره‌ بڵاو بوَته‌وه‌.
لیَره‌دا هه‌ڵه‌كانی به‌شی یه‌كه‌می روَژنامه‌كه‌م راست كردوَته‌وه‌ چه‌ند رسته‌یكیش جیاوازی هه‌یه‌.

لێدوانەکان

هیچ لێدوانێک نەنووسراوە.

لێدوان بنووسە

تكایه‌ بچۆژووره‌وه‌ تا لێدوانێک بنووسیت.

هەڵسەنگاندن

هەڵسەنگاندن ته‌نیا بۆ ئه‌ندامانه‌.

تكایه‌ خۆت تۆمار بكه‌ یان بچۆژووره‌وه‌ بۆ هەڵسەنگاندن.

هیچ هەڵسەنگاندنێک نەنێردراوە.
کاتی ناردن: 0.75 چرکە
188,054 سه‌ردانه‌ بێ نموونه‌كان