خودا ده‌یه‌وێت پشوو بدات !!


قوبادى جه‌لیزاده‌

خودا هیلاك بووه‌ .
خودا ، له‌سه‌ر كه‌پرێك پاڵ كه‌وتووه‌ ، له‌ ره‌شه‌ ره‌یحانه‌ .
خودا ، شمشێره‌كه‌ى به‌ ته‌نیشت خۆیه‌وه‌ ، درێژ كردووه‌ .
خودا پێغه‌مبه‌ره‌كانى ئیزن دا .
به‌ فریشته‌كانى گووت : برِۆن شوو بكه‌ن!
خودا حه‌ز ده‌كا بخه‌ویَت ....
خودا باوێشك ده‌دات
خودا فریاى په‌رِاندنى ، ئه‌و دارستانه‌ ده‌سته‌ ، ناكه‌وێت !!.
ده‌ستێك به‌قژ ، په‌پووله‌ راده‌كێشێ ، بۆ لاقه‌ كردن .
ده‌سێك به‌بینه‌ قاقاى ژنه‌وه‌ .
ده‌ستێك منداڵ فرِێ ده‌داته‌ هه‌تیوخانه‌وه‌ .
ده‌ستێك گیرفانى گوڵ ده‌برِێ .
ده‌ستێك، گورگ به‌رده‌داته‌ میگه‌له‌ مه‌مك.
ده‌ستێك كتیَب له‌ قورِ هه‌ڵده‌كێشێت .
ده‌ستێك چاوى نه‌خۆشخانه‌ ، به‌مین ده‌رِێژێت .
ده‌ستێك پرچى كانى شانه‌ ده‌كات به‌ ژه‌هر .
ده‌ستێك ماچ ده‌داته‌ به‌ر ، قرمژنى فیشه‌ك .
ده‌ستێك زلله‌ ده‌دا له‌ نان .
ده‌ستێك باڵى ئارامى ده‌شكێنێ .
ده‌ستێك زه‌رده‌خه‌نه‌ ، سوور ده‌كا له‌ خوێن .

خودا ره‌نگى له‌به‌ر نه‌ماوه‌ .
خودا ده‌سته‌كانى ده‌له‌رزێ .
خودا له‌سه‌ر كه‌پرێك پاڵكه‌وتووه‌ .
خودا شمشێره‌كه‌ى خستۆته‌وه‌ كالانه‌وه‌ .
خودا پرخه‌ى دێ
خودا خه‌و به‌ ده‌ستێكى سپی و نه‌ رمه‌وه‌ ده‌بینێ .
ده‌ستێك سپى وه‌ك به‌فر
نه‌رم وه‌ك لۆكه‌ .
خودا خه‌وی لێ كه‌وتووه‌ !!